السـلام عليكم ورحمة الله
أعجبتني كلمات عميقة جدا من الفائدة وحبيتها أنقلها لكم
وان شاء الله تضع الفائدة في قلوب الجميع
•••
برمضان لا تكثرون الكلام
غذوا الروح والوجدان
القلب يوعان وعطشان
لاتلهون بشنطة وفستان
•••
من محل لمحل
الله الواحد المنان يدعوكم للاغتنام
تنافسوا لنيل جنه الرضوان
صلوا ارحامكم
خاصةً اللى ماشفتوهم من زمان
وسألوا عن الغايب
وراضوا كل زعلان
لا تقولون ما يستاهل
من يبادره تراه كسبان
الأجر والسعاده والاطمئنان
وتفقدوا المعارف
وتنقصوا للجيران
•••
الانفاق هذا شهره
وهذا الميدان يا حميدان
افطار صائم
والصدقه للي عانى من الحرمان
حواليكم عمال وضعفاء
هالله هالله بالخدام
ونصيحه قضبوا هاللسان
اللي مفرق الخلان
تعوذوا من الشيطان
ترا بيخرب عليكم التعبان
•••
التلفزيون قولوا له لا
لا محنا مخربين هالصيام
من مسلسل لفوازير لأغنيه
ضاع علينا رمضان
ولا تنشغلون بالقرقيعان
والمطبخ لا تداومون فيه
واذا لابد شغلوا الراديو عالقرآن
•••
كافي عليكم شوربه
وكبة وشربت بيذان
لا تكثرون الاكل
وتخربون الاجسام
صار رمضان حلويات ولقيمات
ومن القهوه كم فنجان
هذا الشهر ياناس
تراه كنز من الرحمن
فيه ليلة أجرها عن 83 عام
شدوا الحيل
بين ذكر ودعاء وقيام
ونحمد الله انه بلغنا هذا العام
تخيلوا هذا آخر رمضان
ما راح نتحسف عاللي كان ؟
ونقول كان زين كثرنا العمل
ليوم تزل فيه الاأقدام
•••
يالله احنا فيها
نبي تخطيط وهمه الآن
كل عام وانتوا بخير
وحللونا يالأخوان
يارب يجعلنا واياكم
من عتقاء شهر رمضان
الموضوع الأصلي :
أجمـل كلام من ماسمعت عن رمضان المصدر :
منتديات الشــارف الكاتب:lucky_girl
منتـديات الشــارف
السبت 15 يوليو 2023, 10:01
الإثنين 15 أغسطس 2011, 15:42
