راقيـه ، متعلمه ، متفهمه ، حساسه
شامخه ، متسيده ، متربيه ، موهوبه
،،
عسجديه ، جوهره، فيروز، دانه ، ماسه
ناعسه ، عنقا ، غنوج ، مدلعه ، حبوبه
،،
ناعمه ، طرقا ، جفول ، مكرمه ، مياسه
فاتنه ، مهره ، عنود ، مردده ، منسوبه
،،
جف من بعض الوصايف ، حبري وقرطاسه
ولا قدرت أكرم وصوف الجادل الرعبوبه
،،
شاعرن فكره رهاوي والقصيد إحساسه
لا وصفــها بان عجزه ، واتضـح عـذروبه
،،
إجلسي يالفارقه وسط الصدر وأقـواسه
والله اني لأسعدك ، ( يالفاتن الإعجوبه)
،،
الوفـا ، والشوق ، وأنسام الهوى، وأنفاسه
والمحبه ، والسعاده ، والوصل ، ودروبه
،،
ما ذخرهن شاعـرك في شعره وكراسه
كيف يذخرهن خفوقه ، والغلا مطلوبه
،،
إكشفي وجهك وخلي الصبح يجـحد ناسه
وانثري شعرك وخلي اللـيل يـرقد نـوبه
،،
إضحكيلي ،دام فــرحي ما عـرفت قياسه
واطعنيني ، دام جرحي منك فيـه عذوبه
،،
عاشقك ما ينحني وقـت المواقف راسه
بس ( قلبه ) ينـحـني لا من ذكر محبوبـه
،،













الموضوع   الأصلي : راقيـه متعلمه متفهمه حساسه شامخه متسيده متربيه موهوبه المصدر : منتديات الشــارف الكاتب:P.R.C