بسم الله الرحمن الرحيم
اخواني اعضاء منتدى الكورة الجزائرية
الكبار منكم و الصغار <<< مليحه هذي
طبعا ليس لي مواضيع كثيرة في هذا المنتدى << يعني يدخل برك يتفرج
شاهدنا اليوم مبارة الجزائر ضد سلوفينيا طبعا كانت مبارة جميلة
و ليست مملة كما يدعي البعض من اخواننا هنا و هناك <<< راكم عارفين وش راه يقصد
ساقول كلام لعقلاء المنتدى انه لدينا فريق كبير و كبير و كبير << ركزو مليح على كلمة كبير
و بالمقابل عندنا مدرب صغير و صغير و صغير
شاهدنا كلنا تصريح سعدان عبر الوسائل المرئية بعد نهاية اللقاء وش قال
نحن هنا من اجل اخذ الخبرة و التجربة <<< حب يقول رانا نوجدو لسنة 2014
قالك معليش نخسرو قاع اللقاءات نورمال <<< حب يقول معليش الشعب يحبس قلبو و معليش السكر يطلع نورمال
يعني مشاعر الملايين من الجزائريين الغيورين على هذا المنتخب <<<< حب يقول لكم مرانيش سامع بيكم
نرجع قليلا للقاء
يا ترى التغييرات لي عملها اليوم كانت في محلها <<< لي يقول كانت في محلها هذا ما يعرفش البالون
الشوط الاول كنا احسن من المنافس مليون مرة يعني الفريق ربح ثقة في النفس و عرف بلي الخصم ديالو الريح فالشبك
الشوط الثاني واش صرا ؟ حدث العكس الفريق ككل رجع للخلف <<< حب يقول نلعبو على التعادل
هذا المدرب الصغير يقول بلي ما عنديش مهاجمين لكن كان عندو بدائل اخرى مثل بودبوز او عبدون
يعني لوكان خرج جبور و ادخل مكانه بدبوز و مطمور يرجع يلعب كقلب هجوم و بودبوز على اليمين كان ممكن زياني ياخذ راحته
و صدقوني المبارة كان ممكن تاخذ منعرج اخر
لانه ببساطه اليوم زياني كان اور شون حب يقول زيروه و لي يقول اليوم زياني ادى مبارة كبيرة هذا ذراري و ماي يعرفش البالون
و اليوم مرة اخرى اثبت سعدان انه فاشل تكتيكيا
و للمعلومية التاهل لي حصلنا عليه جابوه اللاعبين ماشي المدرب
انا لست هنا لانتقد هذا المدرب و لكن الحقيقة تقال
و ان شاء الله راح نتاهلو للدور المقابل و عندي ثقة في اللاعبين بلي راح يرفعو التحدي
و اسف على الاطاله
تحيات : الأمير
و السلام عليكم
الموضوع الأصلي :
احبك يا جزائر و اسف يا سعدان ؟؟؟؟ المصدر :
منتديات الشــارف الكاتب:abu wessam
منتـديات الشــارف
السبت 15 يوليو 2023, 10:01
الإثنين 14 يونيو 2010, 08:54
